Pas Suedisë, qe njoftoi se do te dëboje 80 mije azilkërkues, te njëjtin fat do te kenë edhe mijëra te tjerë qe gjenden ne Finlande. Ministria e Brendshme e ketij vendi ka paralajmëruar se do te largoje 20 mije emigrante, te çileve u është refuzuar kërkesa per azil. Vendimi lidhet me masat qe po zbatojnë disa vende te unionit per te frenuar fluksin e larte te azilkërkuesve. Këtu përfshihet edhe Gjermania, e cila vitin e kaluar u përball me nje vale refugjatesh, qe kaloi shifrën 1,1 milionë. Ne listën e vendeve te sigurta tashme do te shtohen edhe tre shtete afrikane Algjeria, Maroku dhe Tunizia. Sipas ministrit gjerman te Ekonomisë, Sigmar Gabriel shtetasit nga këto vende nuk do te kenë gjasa te përfitojnë azil. Shqipëria dhe Kosova ishin përfshire disa muaj me pare ne ketë liste, duke i çuar ne zero shanset e emigranteve nga keto vende per te qëndruar. Por pavarësisht qëndrimit te Gjermanisë dhe Suedisë, zbarkimet e barkave me emigrante drejt brigjeve greke nuk ndalen. Shtetet anëtare te unionit nuk kane rene dakord per mekanizmin e shpërndarjes se tyre, pasi deri tani vetëm grupe te vogla refugjatesh kane mbërritur ne destinacione. Disa vende te Europes Qendrore dhe Lindore refuzojnë pritjen e tyre.
