Drejtoria e Parandalimit dhe Pastrimit të Parave ngre alarmin për financim të terrorizmit nga Shqipëria. Zëvendësdrejtori i këtij institucioni, në raportimin para Komisionit Parlamentar të Sigurisë, pa thënë emra konkretë, tha se janë listuar persona si financues të terrorizmit.
Ai bëri me dije se gjatë vitit 2016, janë bllokuar 28 milionë euro, të ardhura këto nga veprimtari kriminale, kryesisht nga trafiku i drogës.
Para deputetëve, Ismailaj bëri me dije se bankat e nivelit të dytë janë të ekspozuara ndaj fenomenit të pastrimit të parave dhe transaksioneve të dyshimta.
