Sot ne mbremje, ne stadiumin magjik te “Wembley-t”, Italia dhe Anglia luftojne per lavdine. “Axurret” kerkojne te fitojne trofeun e dyte te evropianit, ndersa “Tre Luanet” synojne te shkruajne historine ne kete kompeticion, sukses te cilin nuk e kane arritur asnjehere me pare.

 

Nje rrugetim mbreselenes per te dyja skuadrat, te cilat vijne pa asnje humbje ne perballjen vendimtare te Euro 2020. Faktori fushe perben nje avantazh te lehte per Angline, pasi luan perpara tifozeve te saj dhe ka nje shtyse me shume per te arritur qellimin final. Por, Italia e Mancinit, tashme e njeh mire kete fushe, pasi zhvilloi dy ndeshje gjate ketij turneu dhe ka treguar qe eshte nje skuader e cila di te menaxhoje presionin, madje ta ktheje ate ne avantazhin e vet.

 

Ne sfiden e kesaj mbremjeje, tekniku i te kalterve nuk do te kete ne dispozicion vetem sherbimet e Spinazzola, pas demtimit te rende qe pesoi ne ndeshjen kunder Belgjikes, por anesori i Romes, ka udhetuar bashke me ekipin per t’i dhene kurajo dhe zemer kombetares se tij.

 

Mancini pritet te rreshtoje te njetjen formacion si ndaj Spanjes, me skemen 4-3-3. Ne porte, i padiskutueshmi Gigio Donnarumma, ndersa mbrojtja do te perbehet nga katershja Di Lorenzo, Bonucci, Chiellini dhe Emerson. Ne mesfushe do te rreshtohen Barella, Jorginho dhe Verratti, per t’i lene vend me pas sulmit me Chiesa, Immobile dhe Insigne.

 

Ne kampin tjeter, tekniku Southgate ka me dyshime sherbimet e Phil Foden, i cili pesoi nje demtim te lehte ne stervitje, por ne fushe pritet qe te hedhe te njejten 11-she si ndaj Danimarkes, me skemen 4-2-3-1.

 

Ne porte do te jete gardiani Pickford, ndersa ne mbrojtje Walker, Stones, Maguire dhe Shaw. Para tyre, ne mesfushe do te jene, Rice dhe Phillips, nderkohe Saka, Mount, dhe Sterling do te jene ne mbeshtetje te Kane.

 

Sfida qe permbyll nje kampionat evropian spektakolar dhe plot surpriza, pritet te dhuroje emocione ne çdo minute te lojes. Ndeshja luhet ne oren 21:00 dhe do te gjykohet nga gjyqtari holandez, Bjorn Kuipers.

Leave a Reply

Your email address will not be published.