Të shtunën, më 30 maj, finalja e madhe e UEFA Champions League do të vendosë përballë Paris Saint-Germain dhe Arsenal, një super përballje që pritet me interes të jashtëzakonshëm nga tifozët e futbollit në mbarë botën. Në këtë kuadër, “Arena Center” do të shndërrohet në një hapësirë të dedikuar festimit dhe emocionit sportiv.
Për të dytin vit radhazi, Vizion Plus sjell “Fun Zone” në ambientet e Arena Center, duke krijuar një eksperiencë të plotë për publikun që dëshiron ta përjetojë finalen në një atmosferë ndryshe, mes argëtimit dhe adrenalinës së futbollit europian.
Eventi nis në orën 18:00 dhe do të shoqërohet me një program të pasur aktivitetesh, surpriza dhe dhurata për pjesëmarrësit. Tifozët do të kenë mundësinë ta ndjekin finalen drejtpërdrejt në ekranet gjigante, me transmetim nga Vizion Plus.
Pas përfundimit të ndeshjes, mbrëmja nuk do të mbyllet me kaq. Atmosfera festive do të vijojë me muzikë dhe performanca live. E ftuar speciale do të jetë DJ Kris, e cila do të kujdeset për një mbyllje dinamike dhe energjike të eventit.
“Fun Zone” është kthyer tashmë në një traditë të Vizion Plus, duke ofruar çdo vit një kombinim unik mes sportit dhe argëtimit për të gjithë dashamirësit e futbollit.
