Finalja Bayern-PSG/ Tuchel: Luaj ndeshjen e karrierës
Luhet sot në mbrëmje finalja e madhe e Ligës së Kampioneve, ku përballen Bayern Munchen dhe PSG.
Takimi luhet në Lisbonë të Portugalisë në orën, 21:00 dhe do të transmetohet në Tring dhe Vizion Plus.
Trajneri i PSG-së Thomas Tuchel ka folur në vigjilje të finales duke thënë:
”Jemi këtu për ta luajtur dhe fituar finalen. Kjo është ndeshja më e rëndësishme në karrierë për mua”.
Sa i përket organikës, është rekuperuar Keylor Navas që do mbrojë portën dhe të vetmen dilemë, Tuchel ka që Verrati të luajë titullar apo ta nisë nga stoli.
Ekipi u stërvit në “Da Luz” aty ku do luhet edhe ndeshja dhe Neymar-Mbappe me shokë janë gati.
Kujtojmë që PSG arrin për herë të parë në një finale të tillë dhe ngritja e trofeut do të ishte historike për këtë klub.
Formacioni i mundshëm i PSG-së në ndeshjen e mbrëmjes së sotme:
PSG (4-3-3) Navas; Kehrer, Silva, Kimpembè, Bernat; Paredes, Marquinhos, Herrera; Di Maria, Mbappé Neymar.
