Arrestohen në flagrancë 2 doganier për veprën penale “Shpërdorim detyre” dhe 2 shtetas të tjerë për veprën penale “Kontrabandë me mallra që paguhen akcizë”. Më datë 24.02.2016, pas një hetimi proaktiv nga ana e Sektorit të Krimit Ekonomik e Financiar në Drejtorinë Vendore të Policisë Dibër, u finalizua me sukses operacioni i koduar “Doganieri”, ku u bë e mundur arrestimi në flagrancë i shtetasve:

Atli Kadriu, 39 vjeç, lindur dhe banues në Peshkopi Dibër, me detyrë doganier pranë Doganës Bllatë, i dyshuar për kryerjen e veprës penale të “Shpërdorimit të detyrës”

Almir Dema, 41 vjeç, lindur dhe banues Maqellarë Dibër, me detyrë doganier pranë Doganës Bllatë, i dyshuar për kryerjen e veprës penale të “Shpërdorimit të detyrës”,

Arrestimi i tyre u bë pasi :

Duke qenë në detyrë doganier në pikën e kalimit kufitar Bllatë dyshohet të kenë shpërdoruar detyrën, duke shmangur kryerjen e veprimeve doganore ndaj automjetit me targa AA 894 FO në pronësi të shtetasit E. I dhe automjetit me targa AA 317 JF në pronësi të shtetasit B.N, ku gjatë kontrollit të ushtruar nga specialistët për krimin Ekonomik janë gjetur dhe sekuestruar në cilësinë e provës materiale një sasi e konsiderueshme lëngu e ngjashme me atë të naftës pa kryer procedurat doganore.

Po kështu u bë arrestimi në flagrancë për veprën penale të “ Kontrabandës me mallra që paguhen akcizë” parashikuar nga neni 172, i kodit penal, i shtetasve:

Bujar Nezha, 34 vjeç, banues në Dibër.

Enver Iskurti, 51 vjeç, banues Dibër.

Arrestimi i tyre u bë pasi :

Këta shtetas kanë kaluar në pikën e Kalimit Kufitar Bllatë një sasi të konsiderueshme lëngu e ngjashme me atë të naftës pa kryer procedurat doganore. Materialet proçeduriale i kaluan Prokurorisë pranë Gjykatës Shkallës Parë Dibër për veprime të mëtejshme.

Leave a Reply

Your email address will not be published.