Fier, prindërit protestuan për mungesën e rrugës

Protesta e zhvilluar ditën e parë të shkollës nga banorët e fshatit Kallm i Vogël për rrugën e shkatërruar, ka çuar në arrestimin e dy prindërve një ditë më parë. Ata janë paraqitur këtë të premte para gjykatës, ku janë njohur me masën e sigurisë “Detyrim paraqitje”. Banorë te fshatit dhe të afërm të Bedri Xhafës dhe Namik Buzit e kanë shfrytëzuar seancën për të protestuar sërish, këtë herë në Gjykatën e Shkallës së Parë Fier. Ata kanë kundërshtuar ndalimin e të afërmeve të tyre, madje kane tentuar edhe të hyjnë në ambientet e brendshme të gjykatës. Banoret e Kallimit kane deklaruar se arrestimi i dy prindërve është bërë vetëm sepse ata kanë protestuar për të drejtat që u takojnë. Akuza qe rendon mbi Xhafen dhe Buzin është ajo e pengimit te fëmijëve per te shkuar ne shkolle. Këtë te premte në shkollën “Europa” kanë shkuar 70 nxënës në mësim, nga 220 gjithsej.