Fier, infermierë e sanitarë në protestë

Dhjetëra infermierë, sanitarë, mirëmbajtës e punëtorët të tjerë të spitalit rajonal të Fierit, të cilët më datë 23 Maj duhet të lënë vendet e tyre aktuale të punës, kanë protestuar këtë të premte në shenjë kundërshtimi ndaj këtij urdhri. Sipas tyre, ata nuk janë dakord me reformën e ndërmarrë nga qeveria. Sipas punonjësve, ata janë të kualifikuar dhe punojnë prej vitesh në këtë institucion, ndërkohë që pretendojnë se në vend të tyre do të emërohen militant të PS. Numri i punonjësve të cilët duhet të largohen nga puna në datë 23 Maj në spitalin e Fierit është 72, ndërkohë që të gjithë këta punonjës kanë nënshkruar edhe një peticion drejtuar Kryeministrin Rama dhe Ministrit të shëndetësisë Beqja, në të cilin kundërshtojnë reformën e ndërmarrë.