Festivali Ndërkombëtar i Kitarës

Tinguj të tillë do të mbushin sallën e koncerteve të Akademisë së Arteve për katër ditë. Janë 5 koncerte që nisin mbrëmjen e së mërkurës pa asnjë kosto për publikun dhe për më tepër nga kitaristët më të vlerësuar në Europë. Admir Doçi, rezervon mbrëmjen e fundit edhe një përshëndetje nga Shqipëria. Ai vetë nuk do të performojë, por në skenë do të ngjiten emrat më premtues të kitarës në Shqipëri. Festivali Ndërkombëtar i kitarës që rrugëton në edicionin e tij të katërt këtë fundshtatori, do të jetë një mundësi e mirë edhe për të gjithë studentët e Akademisë së Arteve, të cilëve u ofrohet mundësia e leksioneve me emrat më të mirë të kitarës në Europë.