Gra e vajza marshuan këtë 8 mars në Tiranë për më shumë të drejta, barazi dhe kundër dhunës.
“Duam që vajzat të edukohen si të barabarta, të vendosin vetë për veten e tyre, të mos kenë frikë nga sulmet në shkolla, rrugë, punë… Duam që gratë të zënë gjysmën e jetës publike në vend”
Në ditën ndërkombëtare të gruas, aktivistë të shoqerisë civile zhvilluan një tubim në formën e një marshimi, nga parku i liqenit, drejt kryeministrisë.
Me pankarta në duar, përfaqesues të organizatave në mbrojtje të grave bënë thirrje për barazi gjinore dhe ndaljen e dhunës dhe diskriminimit.
Protestuesit u ndalën përballë kryeministrisë ku u bashkuan edhe të rinjtë e ‘Organizatës Politike’
Por në Shqipëri 8 marsi njihet si festa e nënës dhe, më shumë se sa një ditë proteste, ajo kalohet me këngë e valle. Atmosfera e kësaj dite ndihej në bare e restorante.
Ndërkohë në shumë vende perëndimore, 8 marsi shndërrohet gjithmonë në një ditë ku kërkohen me forcë të drejtat e grave.