Duket ende i pabesueshme për Argjentinasit triumfi i së dielës. Ai që tashmë ka fituar gjithçka Leo Messi e çoi kombëtaren në majën e botës.

 

 

Festat nuk kanë të mbaruar, miliona argjentinas kanë mbushur rrugët dhe sheshet veçanërisht në Rosario, vendlindjen e Messit.

 

 

Edhe presidenti Alberto Fernandez iu bashkua festimeve dhe falënderoi kombëtaren për fitoren.

 

 

“Faleminderit lojtarëve dhe stafit teknik. Ata janë një shembull që nuk duhet të heqim dorë kurrë. Kemi njerëz të mrekullueshëm dhe një të ardhme të shkëlqyer”, u shpreh kreu i shtetit.

 

 

Kombëtarja e Argjentinës është nisur mëngjesin e të hënës nga Doha e Katarit për t’u kthyer në atdhe.

 

 

Mesa duket, festa do të vazhdojë gjatë. Lionel Messi dhe shokët e tij do të shëtisin me trofeun e kupës së botës në disa qytete të Argjentinës.

Leave a Reply

Your email address will not be published. Required fields are marked *