Sektori i policisë rrugore pranë drejtorisë vendore të policisë së qarkut të Korçës, për festat e fundvitit ka hartuar një plan të ri masash me qëllim normalizimin dhe sigurimin rrugor në të gjitha rrugët nacionale, rurale por edhe ato brenda qyteteve. Vetëm 24 orët e fundit nga ana e këtij sektori janë vendosur 60 masa administrative, nga të cilat 20 për parkim të gabuar, 10 për përdorim celulari dhe 30 masa të tjera për shkelje të ndryshme.
Fluksi në ritje i shtetasve shqiptarë që hyjnë e dalin në pikat e kalimit kufitar të juglindjes ka shtuar numin e patrullave lëvizëse në akset nacionale ndërkohë ka shtuar edhe numrin e patrullave në dy qytetet e Korces dhe Pogradecit.
Policia rrugore kërkon nga drejtuesit e mjeteve të bëjnë kujdes me përdorimin e pijeve alkoolike gjatë ditëve të festave pasi do të ketë kontrolle të shumta në qytetet kryesore të juglindjes.
