Festa e Shën Marisë e njohur ndryshe si pashka e verës ka mbledhur në Zvërnec shumë besimtarë ortodoksë, qytetarë si dhe turistë vendas e të huaj për të festuar.
Eventi nisi mbrëmjen e 14 gushtit për të vijuar një ditë më pas me meshën dhe vizitat në manastirin e Zvërnecit.
Por çfarë simbolizon kjo festë? At Jani Tereziu sqaron se është një ditë e veçantë për besimtarët dhe jo vetëm.
“Festa simbolizon rolin e nënës qe Shën Meria e virgjër me sjelljen ne jete te Jesu Krishtit solli shpëtimin mbi njerëzimin. Ishte nena e perëndisë”, thotë Ati.
Besimtarë dhe qytetarë të ndryshëm edhe nga rrethe të tjera i janë bashkuar kremtimeve. Ndezja e një qiriu dhe falja në kishën e Shën Marisë janë ritualet kryesore të kësaj dite.
Pas peligrinazhit në kishë, besimtarët dhe qytetarët u lutën për më shumë mirësi ndërsa festuan edhe me të afërmit e tyre./vizionplus.tv
