Rajoni juglindor i Korçës vlerësohet jo vetëm për produkte cilësore në sektorin e bletarisë por edhe peshën kryesore të prodhimit të mjaltit në shkallë vendi. Ky fakt u evidentua edhe në festën e mjaltit të organizuar pak kohë më parë në Korçë me bletërritës nga disa zona të vendit, Kosova, Maqedonia e veriut dhe Greqia.
Ecuria e mirë e aktivitetit privat në bletari, duket se po shton gjithnjë e më shumë interesimin për investime të dobishme në këtë aspekt të ekonomisë lokale. Shoqata e bletërritësve të juglindjes infromon se në Qarkun e Korçës për vitin 2019 kanë aplikuar ne skemën e subvencionimeve për bletarinë 151 bletërritës.
Nga këto, 44 aplikime janë kryer prej bletërritësve korçarë, 29 bletërritës nga Maliqi, 38 bletërritës nga Devolli, 2 bletërritës nga Pusteci, 25 nga Kolonja dhe 22 bletërritës nga Pogradeci. Treguesi I këtij viti konsidetohet si rritje e ndjeshme në aplikime.
Duke e krahasuar me vitin 2017 kur kishte vetëm 33 të tilla, në vitin 2018 me 94 aplikime, ky i sivjetshmi me 151 aplikime për subvensione dëshmon tendencën e përhapjes dhe fuqizimit të bletarisë në rajonin e Korçës.