Rotacioni i pushtetit në fermën VIP është shoqëruar me suksese dhe pakënaqësi, ndërsa ndarja e punëve është kthyer në një mollë sherri për konkurentët.
Gongu i kësaj të hëne i ka gjetur në gjumë shumë prej tyre në një kohë kur situata në stalla ka dalë jashtë kontrollit.
Lexo edhe :
Related Posts
Ndërhyrja e agait me një seri sfidash mes fermerëve, e ka bërë fundjavën tejet dinamike.
Ndërsa sot në mbrëmje gjatë spektaklit që nis live në orën 21 në ekranin e Vizion Plus, do të kemi një verdikt për fitues dhe humbës që sigurisht do të marrin atë që meritojnë.
Ndërkohë Valer Kolnika dhe Niko Komani do të përballen në një sprovë që do të nxjerrë jashtë loje njërin prej tyre.
Çfarë formule ka menduar agai? Mbi cilat kritere do të vlerësohen dy konkurentët që ishin më pak të votuarit nga publiku gjatë televotimit të javës së kaluar?
Nga ana tjetër, duket se në fermë ka një grup komploti dhe rrengjesh.
Çfarë fshihet pas shëtitjes së Albanos në mes të natës dhe monologut të tij për Ditea Berishën?
Sakaq, kryefermerja duket se ka qënë e suksesëshme me ndarjen e punëve por jo të gjithë janë bindur. Një pjesë e fermerëve po mendojnë një strategji të re për ndarjen e roleve.
Ndërsa pakënaqësitë për Elsa Lilën kanë gjetur sërish terren. A është tërhequr ajo nga misioni që i është ngarkuar për të prishur punë në fermë?
Nga ana tjetër, ka pritshmëri për hyrje të reja..informacione nga jashtë apo hamendësime?
Ndërsa ndiqni fermën VIP në çdo orë të ditënatës në dy kanale të dedikuar të platformës Tring, përgjigjet e shumë pikëpyetjeve do ti merrni sot në mbrëmje në ekranin e Vizion Plus. /vizionplus.tv
