Një fëmijë 3 vjeç e gjysëm me iniciale B.C është paraqitur në urgjencën “Stefan Mekshi” Sarandë me diagnozën e Pranëmbytjes.
Mjekët i kanë ofruar ndihmën e menjëhershme, pasi fëmija është paraqitur pa frymëmarrje dhe pa vetëdije, duke e vendosur në oksigjen dhe me sondë nazogastrike për të nxjerrë ujin e aspiruar.
Fëmija është dërguar për ndjekje e trajtim të mëtejshëm në QSUT me helikopter.
Ngjarja ka ndodhur në plazhin publik “Hasan Tahsini” në Sarandë.
Sipas bluzave të bardha të pediatrisë Sarandë bëhet me dije se “Pranembytja” është mbijetesa(edhe e perkohshme) mbi 24 orë nga momenti i mbytjes. Dëmtimi që vjen si pasojë është Asfiksia, mbingarkesa me likide, dëmtimet pulmonare, hipotermia (ulja e temperatures).
