Zyrtare te FBI-se morën ne pyetje per me shume se tre ore kandidaten demokrate per presidente te SHBA, Hillary Clinton, si pjese e hetimeve per përdorimin e serverit te e-mailit privat gjate kohës kur ajo mbante postin e sekretares se Shtetit. Përfaqësues te fushatës se saj, sqaruan se Clinton ishte ofruar vullnetarisht për t’u intervistuar ne selinë qendrore te FBI-se ne Uashington. FBI po e heton Clinton dhe ndihmësit e saj nëse kane keqpërdorur informacione te klasifikuara përmes serverit privat, por ajo mohon përdorimin e te dhënave sekrete, duke argumentuar se e ka pasur me te lehte te bënte gjithçka nga telefoni i saj “Blackberry” sesa nga telefona te tjerë, apo tableta. Departamenti i Drejtësisë do te vendose nëse ka patur keqmenaxhim te postes elektronike dhe nëse ka pasur ose jo vepër penale. Clinton ka thëne se kishte vepruar si paraardhësit e saj, duke mohuar qe ne e-maile te ketë pasur informacione te klasifikuara qe do te përbenin rrezik per sigurinë. Ky hetim qe vjen ne nje moment kyç te fushatës presidenciale, është shfrytëzuar nga republikanet. Rivali i saj, multimiliarderi Trump, qe aktualisht gjendet 9 pike pas ne sondazhe, thotë se Clinton ka gabuar dhe pret te ngrihen akuza ndaj saj.
