Ish-kryeministri Fatos Nano ka festuar sot 70-vjetorin e tij të lindjes. Kjo ditë speciale e gjeti ish-liderin e PS mes festës të organizuar enkas për të nga familjarët dhe miqtë e tij.
Pamjet i ka publikuar kryebashkiaku i Kavajës, Redjan Krali i cili ndodhet mes të ftuarëve të paktë të ish-kryeministrit.
Bashkëngjitur pamjeve, Krali ka bërë edhe një urim të veçantë për ish-kreun e PS.
“Mentori im! Të qofshin të shumta vitet dhe i gëzofsh me zemrën plot! Ky rrugëtim i imi nuk do të kishte qenë i njejti pa mbështetjen, bekimin dhe këshillat e tua! Kam mbledhur çdo urtësi tënden që ma ke dhuruar me shumë bujari në çdo takim a bisedë të gjatë që shkëmbejmë bashkë dhe i ruaj si pasurinë më të vyer! Shëndet e jetë të gjatë”, shkruan Krali.
