Një tjetër sulm vdekjeprurës nga krokodili u regjistrua në Indonezi, në zonën e Simeulue.
Ngjarja e rëndë ndodhi në lumin Luan Boya, ku një krokodil rreth katër metra i gjatë doli nga uji me trupin e një gruaje në nofulla, para syve të dhjetëra banorëve.
Viktima, 35-vjeçarja Jusmitawati, ishte sulmuar të dielën në mëngjes teksa kishte shkuar në lumë bashkë me një shoqe për të mbledhur midhje, një aktivitet i zakonshëm për gratë e zonës. Sipas dëshmitarëve, ajo hyri në ujë dhe u zhduk brenda pak sekondash, ndërsa shoqja e saj kërkoi menjëherë ndihmë.
Në operacionin e kërkimit u përfshinë banorë, forca policore dhe pjesëtarë të ushtrisë lokale. Sipas mediave vendase, krokodili u shfaq disa herë me trupin e 35-vjeçares në nofulla. Banorët tentuan ta detyronin ta lëshonte duke përdorur shkopinj bambuje dhe litarë, por përpjekjet fillimisht rezultuan të pasuksesshme.
Wanita Maut Diserang Buaya Muara Ketika Mencari Lokan Di Simeulue
SIMEULUE, INDONESIA – Seorang wanita dilaporkan maut selepas diserang seekor buaya muara ketika sedang mencari lokan di kawasan muara sungai di Desa Buluh Hadek, Kecamatan Teluk Dalam, Kabupaten Simeulue, pada… pic.twitter.com/YStwybWjov
— MYNEWSHUB (@mynewshub) February 16, 2026
Pas disa ndërhyrjeve të rrezikshme, trupi i viktimës u arrit të nxirrej, ndërsa më pas banorët arritën ta tërhiqnin edhe krokodilin në breg. Autoritetet ndërhynë për të menaxhuar situatën në bashkëpunim me shërbimet përkatëse të ruajtjes së faunës.
Autoritetet lokale u kanë bërë thirrje banorëve të shmangin afrimin në lumenj të rrezikshëm dhe të tregojnë kujdes maksimal gjatë aktiviteteve si peshkimi, larja apo mbledhja e molusqeve, për të parandaluar tragjedi të ngjashme në të ardhmen.
/vizionplus.tv
