Disa njerëz kanë një sens humori të sëmurë. Policia ka shkuar me urgjencë në shtëpinë e Kardashianëve pasi ka marrë një telefonatë ku lajmërohej se kishte pasur të shtëna me armë në banesë.
Por pasi ka shkuar aty, kanë parë se gjithçka ka qenë një sajim nga dikush në rrugë që ka dashur të bëjë lojë.
Mashtruesi në telefon i kishte thënë policisë se në shtëpinë e Kardashianëve kishte hyrë dikush me forcë dhe kishte dëgjuar të shtëna, ka bërë me dije policia e shtetit të Kalifornisë.
Pasi ka shkuar në banesë, policia e ka shkallmuar derën për të hyrë brenda pasi me thirrjen e parë nuk ka dëgjuar askush.
“Telefonatat e këtyre idiotëve nuk janë aspak për të qeshur. Njerëzit mund të arrestohen për këtë. Shpresoj që ta gjejnë kush është pas kësaj. Është e rrezikshme dhe jo humor”,- shkroi Kim pak momente pas incidentit.
Pas incidentit të Parisit me grabitësit, duket se kjo që ndodhi e ka shqetësuar sërish Kim, që i është dashur të përballet në një seri rastesh me fansa të sëmurë që më tepër e kanë shqetësuar sesa e kanë bërë të ndihet mirë.
