Mjetet e transportit publik, siç janë autobusët, mikrobusët që operojnë brenda qytetit por edhe ato ndërqytetas nuk do të paguajnë taksën vjetore të automomjetit. Në total janë 7200 mjete që janë përfitues të këtij vendimi me një vlerë totale prej 170 milionë lekë. Këtë kosto do ta mbajë Drejtoria e Shërbimit dhe Transportit Rrugorë nga fondet e veta. Lajmi është bërë i ditur nga kryeministri në faqen e tij të “Facebook”-ut. Bëhet fjalë për faljen e taksës vjetore që paguan çdo automjet një herë në vit, në sportelet e DPSHTR-së.
Nga kjo paketë solidariteti më konkretisht përfitojnë: autobusët mbi (8+1), automjetet që ofrojnë transport qytetës, rreth qytetetës, ndërqytetës, shërbime të rastit (turistik brenda dhe jashtë vëndit), ndërkombëtarë të rregullt, transport për personelë. Kjo paketë do të hyjë në fuqi brenda muajit maj. Ndërkohë ata që e kanë kryer pagesën e kësaj takse për 2020, nuk do ta paguajnë atë në vitin pasardhës. Nga kjo paketë nuk përfshihen makinat personale të individëve.
