“Facebook” në kolaps global, ndërpreu shërbimet për shumë orë 

Rrjeti social Facebook përjetoi të mërkurën ndërprerjen më të gjatë në historinë e tij. Shërbimet kryesore ishin të paaksesueshme për përdoruesit për shumë orë. Shërbimi  kryesor i Facebook-ut, Instagram, u ndërpre po ashtu.

Shkaku i kolapsit nuk është bërë ende i ditur, por facebook mohoi se ndërprerja e shërbimeve të tij ka lidhje me sulmet kibernetike.

Për ironi edhe vetë facebook në pamundësi për të njoftuar në rrjetet e veta sociale, njoftimin e ka dhënë nëpërmjet kompanisë konkurruese twitter.

“Jemi të fokusuar dhe po punojmë për të zgjidhur problemin sa më shpejt të jetë e mundur. Konfirmojmë se nuk ka lidhje me ndonjë sulm kibernetik. Jemi në dijeni se shumë njerëz kanë probleme për të aksesuar në facebook.”

Aplikacionet u bllokuan kryesisht në zona të mëdha urbane, në Shtetet e Bashkuara dhe Evropë, së bashku me pjesë të Amerikës së Jugut.

Më shumë se një e treta e përdoruesve të Facebook, të prekur nga problem, raportuan se po përjetonin një “ndërprerje të plotë”. Të tjerë thanë se nuk mund të rifreskonin “News Feed” ose të hynin në llogaritë e tyre.

Fatmirësisht problemi është zgjidhur vetëm ne orët e mëngjesit të së enjtes.

Hera e fundit kur Facebook ka pasur një ndërprerje të ngjashme ka qenë në vitin 2008, kur rrjeti social ka pasur 150 milionë përdorues, krahasuar me 2.3 miliardë që ka sot.