Rrjeti social Facebook rrezikon të gjobitet me 5 miliardë dollarë për shkeljen e privatësisë së miliona përdoruesve të tij.
Rregullatorët amerikanë miratuan gjobën rekord pas hetimit lidhur me skandalin e “Cambridge Analytica”, i cil në mënyrë të paligjshme ka marrë të dhënat e rreth 87 milionë përdoruesve të rrjetit social.
Gjoba u miratua nga Komisioni Federal i Tregtisë me një votim 3-2. Megjithatë ajo duhet të finalizohet nga Departamenti i Drejtësisë në SHBA, dhe është e paqartë se sa kohë mund të marrë miratimi I saj përfundimtar. Nëse miratohet, atëherë kjo do të jetë gjoba më e lartë e vendosur ndonjëherë ndaj një kompanie teknologjike.
Por çfarë ishte skandali i Cambrige Analytica?
Hetimet për skandalin nisën marsin e vitit të kaluar pas njoftimeve se kjo kompani kishte akses në të dhënat e dhjetëra miliona përdoruesve të rrjetit. Hetuesit u përqendruan në faktin se Facebook shkeli marrëveshjen e vitit 2011 ku kërkohej të njoftonte fillimisht përdoruesit për të ndarë të dhënat e tyre.
Skandali më pas zbuloi përdorimin e të dhënave të mbi 50 milionë njerëzve për të ndikuar në zgjedhjet presidenciale të Shteteve të Bashkuara të 2016, edhe pse kompania konsultuese “Cambridge Analytica” tha se nuk ka shkelur ligjet apo të ketë abuzuar në punën e saj. Kjo kompani përdori një aplikacion i cili mundësonte mundeson realizimin e testeve të personalitetit. Ata qe shkarkuan aplikacionin i dhanë leje për të mbledhur të dhëna për vendndodhjen e tyre, miqtë dhe përmbajtjen që ata kishin pëlqyer ne rrjetin social.
Themeluesi i rrjetit social Mark Zuckerberg u detyrua të japë shpjegime para ligjvënësve amerikanë dhe europianë, ku pranoi se ka gabuar.
