FaceApp kthehet në problem, kërkese për hetim nga FBI
Senati amerikan dhe komiteti kombëtar demokratik, në Uashington dhanw alarmin mbi aplikacionin popullor Face App, i cili i ndryshon fotografitë e përdoruesve, duke i bërë ata të duken më të vjetër ose më të rinj.
Udhëheqësi i pakicës në senat, Chuck Schumer, kërkoi që FBI dhe Komisioni Federal i Tregtisë të hetojnë aplikacionin duke argumentuar se është “thellësisht shqetësuese” që të dhënat personale të qytetarëve amerikanë mund të shkojnë tek “një fuqi e huaj armiqësore”.
Kompania Wireless Lab qw zotwron aplikacionin, nëpërmjet një deklarate sqaroi se nuk mbledh të dhëna dhe nuk i ruan përgjithmonë fotografitë. Sipas tyre, shumica e fotografive fshihen nga serverët e kompanisë brenda 48 orësh nga data e shkarkimit.
Edhe komiteti kombëtar demokratik, në Uashington, ka paralajmëruar ekipet e fushatave për zgjedhjet e 2020 që të mos e përdorin aplikacionin popullor Faceapp.
Në 2016, komiteti kombëtar demokrat dhe ekipet e fushatës së demokratëve, u sulmuan nga hakera rusë. Që atëherë, komiteti ka ndërmarrë hapa për të parandaluar përsëritjen e atij skenari, duke investuar në sigurinë kibernetike dhe duke punësuar ekspertë të njohur të fushës.
Aplikacioni FaceApp i cili është lancuar në vitin 2017, është bërë viral këtë javë me personat e famshëm dhe personalitete publikë në të gjithë botën. Ky aplikacion, sipas prodhuesve përdor inteligjencën artificiale për të edituar fotot.
