Europa vijon të mbetet epiqendra e epidemisë që ka përfshirë gati 150 shtete të ndryshme të botës, duke detyruara autoritetet të marrin masa drastike për parandalimin e përhapjes së sëmundjes. Aktivitetet kryesore, si shkollat, eventet sportive dhe ato kulturore janë mbyllur në ccdo shtet, po ashtu edhe linjat e transportit rugor, ajror dhe detar të udhëtarëve.
Së fundmi Franca dhe Spanja, shpallën gjendjen e jashtëzakonshme, duke ndaluar qytetarët të dalin nga shtëpia pa arsye. Me 196 viktima dhe 6,391 raste të konfirmuara, Spanja ëshë vendi i 2 pas italisë më i goditur.
Ndërkohë në Francë ku janë shënuar 91 viktima, janë mbyllur të gjitha bizneset si kafenetë, restorantet, kinematë dhe dyqanet. Presidenti Emmanuel Macron e përshkroi epideminë si krizën më serioze të shëndetit në një shekull. Edhe Gjermania ka raportuar për mbi 4 mijë persona të prekur, ndërsa kancelarja Merkel, përmes një video-mesazhi i bëri thirrje popullit të saj të reduktojë kontaktet, duke shtuar se kjo është koha të dëshmojmë sa bëjmë për njëri-tjetrin.
“Ekspertët na thonë që gjyshërit të mos takohen me mbesat dhe nipërit. Sepse duam të sigurohemi që më të rrezikuarit nga ky virus të mos kenë nevojë të shkojnë në spital e të mos infektohen fare”, shprehet Merkel.
Mbretëria e Bashkuar ndërkohë ka shtrënguar masat për të gjithë të moshuarit mbi 70 vjec qe vuajnë apo jo nga një sëmundje. Ata do të qëndrojnë në karantinë deri në 4 muaj. Masat e rrepta vijnë në një kohë që Britania e Madhe po përballet me një luftë të ashpër me sëmundjen, pasi të shtunën u konfrmua viktima e 21 nga sëmundja.
Edhe SHBA-të janë në një gjendje kritike për shkak të Covid 19. Presidenti amerikan Donald Trump i cili u dyshua se mund të ishte prekur, ka rezultuar negativ. Ai ishte takuar pak ditë më parë në Florida me një delegacion Brazilian, disa prej të cilëve kanë dalë pozitiv ndaj koronavirusit.SHBA ka më shumë se 2,700 raste të konfirmuara, me 54 vdekje. Të premten, Presidenti Trump shpalli gjendjen e jashtëzakonshme dhe i hapi rrugën një fondi prej 50 miliardë dollarë për të luftuar përhapjen e virusit.
