400 hektarë tokë bujqësore janë përpirë nga uji në Sukth.
Uji ka përmbytur jo vetëm të mbjellat por ka depërtuar edhe në katet e para të 30 shtëpive. Deri më tani tre familje janë zhvendosur drejt shtëpisë së pushimit të Ministrisë së Mbrojtjes në Durrës.
Prurjet e shumta të lumenjve të Erzenit dhe Ishmit janë në kufijtë e daljes nga shtrati duke përbërë një rrezik për të përmbytur edhe banesa të tjera dhe zgjeruar sipërfaqen e tokës bujqësore nën pushtetin e ujit.
Në terren inspektorët e Emergjencave Civile parashikojnë një situatë edhe më të rënduar në orët vazhdim për shkak të pandërprerës së reshjeve të shiut.
Më e qëndrueshme është situata në bashkinë e Durrësit dhe të Shijakut. Edhe aty ekipet e ndërhyrjes së shpejtë po vëzhgojnë situatën, për tu ardhur në kohë në ndihmë banorëve që rrezikojnë t’u përmbyten shtëpitë.
