Festivali ndërkombëtar i këngës, Eurovision, vjen për herë të parë ndryshe për publikun Europian nëpërmjet Netflix.
“Eurovision – Historia e Sagës së Zjarrit”, titullohet filmi i cili publikohet ditën e sotme nga gjigandi i filmave dhe serialeve Netflix.
Filmi është një komedi amerikane me regji nga David Dobkin dhe shkruar nga Andrew Steele dhe Will Ferrell. Historia ndjek këngëtarët Islandez Lars Erickssong dhe Sigrit Ericksdottir (Ferrell dhe Rachel McAdams) pasi atyre u jepet mundësia të përfaqësojnë vendin e tyre në Eurovision Song.
Filmi fillimisht ishte planifikuar të lançohej majin e 2020 për të përkuar me Eurovision Song Contest 2020, megjithatë u vonua për shkak të pandemisë COVID-19.
