Europol bën me dije zbërthimin e një grupi të strukturuar kriminal, veprimtaria e së cilës ishte trafiku i drogës me shtrirje të gjërë nga Amerika e Jugut në Evropë.
Gjatë aksionit të Europol në 23 banesa në Spanjë janë arrestuar 30 të dyshuar.
Hetuesit filluan të hetonin këtë rast në fund të vitit 2022, kur në një kamion u gjetën 500 kilogramë kokainë. Një grup shoferësh kamioni, që punonin për të njëjtën kompani transporti mallrash, përdornin aksesin e tyre në terminalin specifik portual për të qarkulluar kokainën nga kontejnerët e transportit.
Kjo gjetje nxiti mobilizmin më të imtësishëm të organeve kompetente duke konkluduar në në çmontimin e të gjithë rrjetit kriminal, duke përfshirë drejtuesin e tij, personat përgjegjës për shpërndarjen dhe logjistikën e drogës dhe pastruesit e parave.
Vlera totale e aseteve të sekuestruara vlerësohet rreth 40 milionë eurodhe janë sekustruar gjithashtu 172 000 euro cash, 10 automjete, stoli dhe ora luksoze.
Policia ka arritur të zbulojë dhe një automatik dhe dy pistoleta, një pajisje energjetike dhe pajisje mbrojtëse personale, një numër i madh mjetesh prerëse për hapjen e kontejnerëve në det dhe uniforma të punonjësve të portit (të përdorura për t’u përzier në terminalet e kontejnerëve), 1000 kilogramë kokainë, 250 gramë hashash dhe një qese me marijuana, celularë dhe pajisje të tjera.
