Komisioni Europian ka reaguar per dhunën e ushtruar nga policia spanjolle ndaj mbështetësve te referendumit katalanas ku mbetën të plagosur rreth 900 persona.
“Dhuna nuk mund të jetë kurrë një instrument në politikë, është detyrë e kryeministrit spanjoll Mariano Rajoy për të menaxhuar këtë proces të vështirë në respektimin e plotë të Kushtetutës Spanjolle dhe të të drejtave themelore të qytetarëve. Ne i bëjmë thirrje të gjithë aktorëve politikë që të lëvizin drejt dialogut.”
Edhe ministria e Jashtme e Britanisë së Madhe tha se referendumi është një çështje që i përket qeverisë spanjolle dhe popullit të saj.
“Ne duam që ligji spanjoll dhe kushtetuta spanjolle të respektohet dhe sundimi i ligjit të mbështetet. Spanja është një aleat i ngushtë dhe një mik i mirë, forca dhe uniteti i të cilit janë të rëndësishme për ne”.
Nga ana tjetër, Charles Michel, kryeministri i Belgjikës, tha se dhuna kurrë nuk ishte përgjigjja e duhur dhe bëri thirrje për dialog politik.
Ndërkohë, asnjë zyrtar i Bashkimit Evropian nuk ka bërë ende një deklaratë zyrtare në lidhje me rezultatin e referendumit.
