Europa është një makth për Milanin në këtë edicion. Kuqezinjtë morën një goditje të rëndë në Paris ndaj vendasve në duelin e tretë në grup duke u mundur 3 me 0, një disfatë që ia bën edhe më të vështirë kualifikimin. Mbappe fitoi duelin në distancë me Leaon, ndërsa PSG kryeson tanimë grupin me 6 pikë.
Pas një starti të zjarrtë me dy yjet protagonist me tentative për të shpërthyer nga krahët, ai që bën diferencen dhe shënon në minutën e 32 është kampioni vendas Kilian Mbappe, i cili përmes një driblimi dehës kalon Kalulun dhe mposht edhe portierin Menjon.
Mbrojtja me Milanit është në një ditë të tmerrshme dhe kjo faktohet edhe në fillimin e pjesës së dytë kur Kolo Muani shënon edhe golin e dytë për parizienët.
Kuqezinjtë dorëzohen shpejt në Park de prins, krijojnë vetëm 2-3 momente të rrezikshme, por pa mundur dot të mposhtin Donarumen.
E nga ana tjetër Majk Menjon pas disa pritjeve të tjera dorëzohet në fund duke marrë edhe golin e tretë nga Li Kang.
Ky grup është bërë edhe më i koklavitur pas fitores së Dortmund në Angli kundër Njukasel me rezultatin 1 me 0. Nmecha ne fundin e pjeses se parë i dha suksesin e madh Dortmundit që ndan vendin e dytë me 4 pikë me Njukasell ndërsa Milani është i fundit me 2 pikë.