Roma e nis keq raundin e 1/8-ve te kupës se vogël te europes, teksa u mund 4-2 ne Lion dhe tashme i duhet te përmbyse shifrat, nëse do te prese biletën per ne çerekfinale. Takimi filloi mjaft mire per vendasit, te cilët zhbllokuan shifrat qe ne minutën e 8 me Diakhaby. Gjithsesi italianet jo vetëm kthyen gjithçka ne baraspeshe me Salah ne minutën e 20, por e mbyllen pjesën e pare ne avantazh kur Fazio mposhti portierin kundërshtar ne minutën e 33. Por nje pjese e dyte tërësisht ne hije per skuadrën e teknikut Spaleti, duke pësuar tre gola. Fillimisht Toliso shënoi golin e dyte ne minutën e 47 per vendasit. Talenti Fekir kaloi ne epërsi Lion ne minutën e 74, ndërsa ne shtese Alexander Lakazete me nje supergol vulosi shifrat përfundimtare 4-1. Ne takimet e tjera derbi gjerman mes Shalke dhe Borusia Monchengladbah u mbyll ne barazim 1-1. Te dy golat u shënuan qe ne pjesën e pare, ku fillimisht gjeti rrjetën Hofman per miqtë e me pas barazoi Burgshtaler. I njëjti rezultat edhe ne betejën greko turke mes Olimpiakos dhe Beshiktash. Cambbiaso kaloi ne epërsi skuadrën nga Pireu ne pjesën e pare, ndërsa per kampionet e Turqisë shënoi Abubakar. Ne derbin belg Genk fitoi me rezultatin e thelle 5-2 ne Gent, nje rezultat qe pothuajse e kualifikon per ne raundin tjetër. Skuadra e Murinjos, Manchester United u ndal ne Rostov 1-1, Celta Vigo mundi Kransodar 2-1, me te njëjtin rezultat fitoi Copenhagen ndaj Ajaks, ndërsa Anderleht fitoi ne Nikosia me rezultat minimal 1-0 kundër vendasve te Apoel.
