Ndeshjet eliminatore për Europianin 2020 kane nisur me surpriza. Turqia shtangu Francën, duke mbyllur ndeshjen me rezultatin 2 me 0.
Gjithçka u vendos në pjesën e pare, në minutën e 30-të ishte Ajhan që zhbllokoi shifrat, ndërsa 10 minuta më vonë, Under dyfishoi shifrat pas një gafe në mbrojtjen e “gjelave”, duke i dhënë kështu një triumf historik turqve.
Në grupin e Shqipërisë, tashmë Turqia merr vendin e parë, me 9 pikë të plota pas 3 ndeshjeve, ndërsa Franca renditet e dyta.
Ndërkohë “Axurrët” e Roberto Mancinit dominuan kundër Greqisë me rezultatin 3 me 0. Golat u shënuan nga Barellas dhe Insigne, më pas ishte Bonucci ai që ka trefishuar avantazhin e miqve.
Edhe Gjermania fitoi me shifrat e pastra 0-2 në fushën e Bjellorusisë. Sfida ishte e dominuar nga “pancerat”, ndërsa autorët e golave ishin Sane dhe Rojs, nga një për secilën pjesë.
Kjo ishte ndeshja e dytë për Gjermaninë, që numëron 6 pikë të plota.