“Kur denoncova para tre muajsh ekzistencën e hashashit në Tepelenë më kane ndjekur 3 makina e motora kur po i afrohesha plantacioneve të hashashit. Më pas më dolën përpara 15-20 persona të armatosur, cka na bëri të ktheheshim mbrapsht”. Kjo është deklarata që ka dhënë Sekretari për Aksionin Qytetar në PD, në emisionin Oktapod të Turjan Hyska. Më tej z. Salianji vazhdon rrëfimin e tij sesi e realizoi videon. “Shkova pas tre ditesh përsëri në atë zonë, duke u veshur si ata dhe jo zyrtar. Thuajse u vesha si puntor, shkova me punonjësit, me makinën e tyre. Ata që më ndhmuan ishin persona që nuk donin të punonin aty, por merreshin me forcë nga të fortët e hashashit. Po ashtu jam munduar që gjatë videos mos të identifikoj vendin, sepse vendosja në rrezik personat që më ndihmuan”.
Ai ngre akuza të forta ndaj Policisë së Shtetit duke e cilësuar atë si bashkëfituese në çeshtjen e hashashit. “Së fundmi u thirra në polici pas 3 muajsh nga videoja që kam bërë. Duke qënë se hashashi jo vetëm u mboll, u kultivua, u rrit, u korr, u shpërnda, u tymos, u bënë paratë. Unë ua kisha dhënë të dhenat publikisht policisë së shtetit, pse ata u kujtuan pas tre muajsh”. Më pas ai tregoi që ndejshmëria e lartë që u përfshi në këtë aksion kundër kanabisit, ka qënë edhe një histori familjare, ku ai ka pasur të afërm që kanë qënë përdorues të hashashit.
