Kreu i PS-së për Tiranën, Ervin Bushati zbuloi për “Quo Vadis” në “Vizion Plus” komunikimet e tij me kryeministrin Edi Rama.
Edhe pasi nuk mori mjaftueshëm vota më 25 prill për t’u bërë sërish deputet, Bushati tha se është krenar për PS-në e Tiranës dhe shtoi se arritjet në kryeqytet i ndan edhe me Ramën.
“Kemi patur komunikim, komunikojmë shpesh. Flitet për mandatin dhe punën që është bërë. Ajo që është bërë në Tiranë është më ë re, më e shpejtë, më e hapur se në vendet e tjera. Të gjithë shikojnë nga Tirana për ndryshimin. Fitorja e Ps është fitorja e gjithsecilit. Fitorja e PS është e imja. PS ka bërë një punë shumë të madhe këto dy vite. Jam krenar.”