Kryetari i Bashkisë së Tiranës, Erion Veliaj sulmoi kreun e PD, Lulzim Basha nga studioja e “Zgjedhje 2021” në “Vizion Plus”.
Duke kujtuar vitet kur kryedemokrati ka qenë në krye të Bashkisë së Tiranës, Veliaj tregoi dhembshuri për të.
Sipas tij, Basha e fsheh faktin që ka drejtuar bashkinë sepse nuk ka lënë asnjë gjurmë.
“Po bisedoja me Edin të shtunën, kishim 12 aktiviteti. Kundërshtari ynë kishte vetëm një aktivitet, u çua në 12 e gjysmë, piu një kafe në orën 1 dhe në 2 u kthye në vilat rezidenciale ku jeton. Duket qartazi kujt i hanë duart për punë dhe kush fle gjumë në trafik. Po sillemi sikur jemi ne në opozitë. Është privilegji më i madh i jetës time. Në kazino, në pika bastesh nuk jam futur asnjëherë. Beteja jonë është me njerëzit, nuk flemë gjumë, por çdo punë e trajtojmë si të jetë dita e fundit. Politika dhe fushata është si film hollivudi, i miri fiton gjithmonë. Finishi im është një qytet dinjitoz, që ka unazën e madhe, teatrin e ri, piramidën, që ka projektin e lagjeve. Në kohën e Lul Bashës, plehrat ishin rrugës, të hante qeni, janë bërë më të pasur prej Tiranës. Tirana vitin tjetër do të jetë kryeqytet evropian i rinisë. Kjo u arrit duke punuar. Gjysma e parkut të liqenit ishte e gjitha me barake, ishte e zaptuar, zaptuan konviktet. Jemi dita me natën, larg së qeni perfekt. Tirana nuk ndalet. Lulk basha nuk e përmend asnjëherë që ka qenë kryetar I bashkisë së Tiranës. Ti thuash Edi ramës dhe mua hiqe nga CV drejtimin e Bashkisë së Tiranës, është si të jap një nga veshkat e mija. Ne jemi shumë krenarë që kemi qenë kryetarë bashkie. E shet programin 10 mijë lekë. I vjen turp të thotë që ka qenë kryetar i Bashkisë së Tiranës. Mua më dhimbset Lulzim Basha si një njeri që kishte shansin që Perëndia jua jep 1 në 1 milion vetave në Tiranë të drejtojë bashkiunë dhe të mos ngulet një gozhdë. Akrepat e sahatit nuk lëvizën për 4 vbjet. Qyteti u kthye në një moçal, në një kënetë.”
