Erërat e forta, disa zona në Lezhë pa energji elektrike, OSHEE angazhohet për riparimin e defekteve
Pavarësisht kushteve të vështira atmosferike dhe erës që shoqëroi zonën prej mbremjës së djeshme, që shkaktoi edhe probleme në furnizimin me energji, ekipet e OSHEE janë angazhuar menjëherë për riparimin e defekteve në linjat e furnizimit me energji elektrike.
Drejtori i OSSHEE në Lezhë, Andi Marku, ka bërë të ditur se bashkë me grupet e punës ndodhen në terren dhe vijon puna me intensitet për rikthimin e energjisë në fshatrat Kallmet, Blinisht, Piraj, Krajën dhe Markatomaj.
Ndërkohë, të gjitha zonat e tjera janë të furnizuara me energji dhe situata po monitorohet nga afër për të garantuar stabilitet në rrjet. OSHEE vijon punën e saj pavarsisht pranisë së motit me shi për të siguruar një ndërhyrje sa më efikase dhe normalizimin e plotë të furnizimit.
