Një 67-vjeçar humbi jetën mesditën e kësaj të shtune. Ngjarja ndodhi në lagjen “28 Nëntori” në Vlorë. Ramadan Kaçi u godit nga një vetratë xhami teksa ishte duke kaluar pranë një dyqani.
Për shkak të erës së fortë, e gjithë vetrata u shkëput nga godina e më pas goditi 67-vjeçarin, i cili u dërgua menjëherë në spital, ku fatkeqësisht edhe ndërroi jetë. Në Vlorë, demet e shkaktuar nga stuhia kane qene te shumta. Bizneset raportuan për xhama të thyer, e pemë që bllokuan rrugët.
Një prej palmave përgjatë lungomares dëmtoi edhe nje makinën te parkuar. Kapitaneria e Portit të Vlorës urdhëroi që të gjitha mjetet lundruese të mos dalin në det, për shkak të kushteve të këqija atmosferike. Stuhia shkaktoi probleme edhe në qytetin e Durrësit.
