Presidenti turk Recep Taip Erdogan ka zbutur disi tonet sa i takon qëndrimit kundër anëtarësimit të Finlandës dhe Suedisë në NATO, duke e lënë të hapur rrugën për bisedime.

 

Por kreu i shtetit turk thekson se mbështetja që vendet nordike i kanë dhënë atyre që ai i quan organizata terroriste kurde, mbetet një pengesë thebësore për zgjerimin e bllokut ushtarak.

 

RECEP TAYIP ERDOGAN

PRESIDENT I TURQISE

 

“Sot do të bisedoj me sekretarin e përgjithshëm të NATO-s, me liderët në Finlandë si dhe kryeministrin britanik. Ne do të vazhdojmë negociatat për hir të vazhdimit të diplomacisë. Por dua ta theksoj qartësisht se për aq kohë sa kemi dokumente që vërtetojnë aktivitetin e këtyre organizatave terroriste në Finlandë dhe Suedi, dhe ne jemi viktimat, nuk do të mbështesim anëtarsimin e  tyre në aleancë. Ne e dimë ndjeshmërinë që ka blloku ndaj terrorizmit ndërsa veprojmë si një aleancë sigurie.”

 

Presidenti i SHBA Joe Biden, mirëpriti presidentin finlandez Sauli Niinisto dhe kryeministren suedeze Magdalena Andersson në Shtëpinë e Bardhë, për të nënvizuar mbështetjen amerikane për ofertat e tyre, por nuk përmendi mosmarrëveshjen specifike në fjalë.

 

Ndërkohë, homologu finlandez siguroi Ankaranë se si aleatë të NATO-s, do të angazhohen për sigurinë e Turqisë, ashtu si Turqia do të angazhohet për sigurinë e dy vendeve kandidate.

Leave a Reply

Your email address will not be published.