Që të vendoset një paqe e qëndrueshme midis Ukrainës dhe Rusisë, duhet që kjo e fundit të kthejë territoret e pushtuara, përfshi edhe Krimenë: ky ka qenë pohimi që ka bërë presidenti turk Rexhep Taip Erdogan gjatë një interviste për mediat amerikane nga Nju York ku po marrë pjesë në asamblenë e Kombeve të Bashkuara.
I pyetur nëse Rusia duhet të lejohet që të mbajë disa nga territoret e pushtuara për tu arritur paqja Erdogan tha.
REXHEP TAIP ERDOGAN
PRESIDENT I TURQISË
Jo sigurisht që jo, nëse flasim për një marrëveshje të qëndrueshme, duhet që territoret e pushtuara në Ukrainë duhet të rikthehen, kjo është ajo që duhet. Putin ka ndërmarrë disa hap dhe ne kemi ndërmarrë hapa që territoret e pushtuar ti rikthehen Ukrainës.
I pyetur nese kthimi i territoreve përfshin edhe Krimenë, Erdogan tha:
REXHEP TAIP ERDOGAN
PRESIDENT I TURQISË
Që nga 2014 kam folur me mikun tim Putin për këtë dhe ai kam kërkur që Krimea ti rikthehet Ukrainës, kjo është ajo që kam kërkuar që atëherë por fatkeqësisht asnjë hap i tillë nuk është ndërmarrë.
Sipas Erdogan, presidenti Putin ka interes që ti japë fund luftës.
REXHEP TAIP ERDOGAN
PRESIDENT I TURQISË
Ajo që ne duam të shohim është që kjo luftë të përfundojë. Njezëzit po vdesin dhe askush nuk fiton në fund të ditës. Qëndrimi i Rusisë është shumë i rëndësishëm, presidenti Putin më tha në Uzbekistan se ai kërkon që kjo të përfundojë sa më shpejt.
Erdogan pohoi se Turqia po punon në drejtim të paqes dhe se vendi i tij do vazhdojë të jetë i balancuar mes lindjes dhe perëndimit.
