Presidenti turk Recep Tayyip Erdogan paralajmëroi se sulmi ndaj trupave truke në rajonin e Idlibit në Siri do t’i kushtojë shtrenjtë qeverisë siriane.
“Sa më shumë të sulmojnë forcat siriane, aq më i rëndë do të jetë çmimi që do paguajnë”, deklaroi Erdogan.
Gjatë kësaj kohe, 13 ushtarë kanë humbur jetën, ndërsa forcat siriane po tentojnë që të kthejnë kontrollin në rajonin e Idlibit dhe disa pjesë të Alepos.
Nga ana tjetër, Ankaraja vendosi mijëra ushtarë për të penguar ofensivën siriane.
Bisedimet mes Turqisë dhe Rusisë përfunduan pa një marrëveshje, për ndalimin e luftimeve ndërmjet forcave të presidentit Bashal-al Assad dhe rebelëve anti-qeveritarë.