Presidenti turk Rexhep Tajip Erdogan ka njoftuar masa të reja kufizuese dhe një bllokim të pjesshëm për dy javët e para të Ramazanit, që synojnë ndaljen e pandemisë Covid-19.
Në njoftimet pas mbledhjes së kabinetit, Erdogan tha se bllokimi do të vazhdojë gjatë fundjavave.
Udhëtimi ndër-komunal do të ndalohet dhe të moshuarit nuk do të lejohen më të përdorin transportin publik. Disa klasa do të kthehen në mësimin online.
Gjithashtu, dasmat, konferencat dhe organizimet në ambiente të mbyllura do të ndalohen deri pas përfundimit të Ramazanit.
Masat e reja do të hyjnë në fuqi të mërkurën dhe do të rishikohen pas dy javësh.
