“Reformat për të cilat votuan turqit, nuk më bëjnë diktator”. Kështu ka deklaruar presidenti turk Rexhep Taip Erdogan në një intervistë dhënë rrjetit CNN. Ai ka sqaruar se paketa e ndryshimeve kushtetuese e mbështetur në referendumin e se dielës nuk është bërë për të.
“Ky nuk është një sistem, qe i përket Rexhep Taip Erdoan. Unë jam i vdekshëm, mund te vdes ne çdo kohe. Është e mundur te kesh një sistem për te vdekshmit? Sistemi përfaqëson nje ndryshim, nje transformim ne historinë demokratike te Turqisë dhe ky eshte qëllimi, duam nje sistem me nje president me nje pozicion me te forte ekzekutiv.”
Erdogan hodhi poshtë akuzat se reformat e reja qe i japin atij me shume pushtet, janë një hap drejt diktaturës.
“Aty ku ekziston diktatura, nuk ka nevoje për sistem presidencial. Ne këtu kemi zgjedhje, kuti votimi, nëse thoni se ai qe i prodhon është diktator, do te ishte e padrejte edhe per ata qe votojnë.”
Ndonëse fitorja në referendum ishte e ngushtë, Erdoan e krahason atë me një lojë futbolli, ku sipas tij e rëndësishme është fitorja dhe jo rezultati. I pyetur për raportet e Turqisë me BE, ai tha se Turqia ka pranuar të gjitha kërkesat, por unioni nuk i ka mbajtur premtimet, pasi e ka bërë vendin të presë për 54 vjet përpara dyerve të tij.
