Prestigjiozja amerikane “V Magazine” i ka kushtuar një artikull këngëtares shqiptare Era Istrefi. “Redrum”-i i Erës, i cili ka arritur mbi katër milionë klikime në Youtube, nuk mund të mos ishte edhe në vëmendjen e mediave të huaja.
“V Magazine” përshkruan në detaje klipin e ri të këngëtares dhe mbi të gjitha tekstin e saj provokues. “Era Istrefi ka hedhur në treg pas një viti këngën e saj të re, “Redrum”. Pas suksesit të “Bon Bon”, ku e gjithë bota filloi të këndonte në gjuhën shqipe, Istrefi publikoi pak ditë më parë këngën e re, që nëse e kthejmë mbrapsht do të thotë “vrasje”, – shkruhet në artikullin e revistës.
Në shkrim thuhet gjithashtu se lëvizjet unike të Erës janë gjithashtu në harmoni me tekstin misterioz të projektit të ri të saj.
