Era e fortë e dy ditëve të fundit ka sjellë dëme të konsiderueshme në serat e zonës së Frakullës në Fier.
Fermerët janë shprehur se një situatë e tillë i ka gjetur të papërgatitur, pasi me të ardhurat që marrin nga shitja e luleshtrydhes e kanë të pamundur riparimin e tyre, duke shtuar faktin se përballen me çmime të larta të pesticideve e të një tregu shitjeje jo favorizues.
Kjo nuk është hera e parë që kultivuesit e luleshtrydhes në këtë zonë dëmtohen nga fatkeqësitë natyrorë.
Drejtoria e bujqësisë bën me dije se specialistë do të zbresin në terren për evidentimin e dëmeve.
