Shtatë personat e arrestuar në kuadër të operacionit ‘Enigma’ kanë dalë këtë të dielë për tu njohur me masën e sgurisë në Gjykatën e Durrësit. Ata u kapën nga policia teksa po drekonin në një resportant pranë Gjirit të Lalzit, ndërkohë që konsiderohen si persona me rrezikshmëri të lartë.
Në mesin e të arrestuarve është Xhevdet Plaku i njohur me nofkën ‘Akili’, i cili u arratis nga burgu i Ankonas në Itali në janar të këtij viti, ku po vuante dënimin për trafik droge. Në pranga ra edhe Flobens Mecia nga Shkodra i akuzuar nga SPAK për organizatë kriminale dhe sigurim të kushteve për vrasje.
Lexo edhe :
Një tjetër emër që del para togave të zeza i prangosur nga RENEA në operacionin ‘Enigma’ është edhe Voltan Xhani i cili akuzohet për sigurimin e kushteve të vrasjes së Elis Rroshkodolit në Shkodër një vit më parë.
Po ashtu janë arrestuar edhe 3 persona të tjerë që akuzohen për “Moskallëzimi të krimit” dhe “Përkrahja e autorit të krimit”.
Gjatë operacionit u sekuestruan shuma parash, euro dhe sende të tjera, ndërsa 3 prej të arrestuarve thotë policia në momentin e bastistjes së lokalit, i kishin armët e zjarrit me fishekë në fole gati për qitje.
/vizionplus.tv
