Për shkak rritjes së çmimit të energjisë elektrike, biznesi shqiptar thotë se po falimenton.
Për muajin janar, subjektet e lidhura me tensionin e mesëm u detyruan të paguajnë fatura më të shtrenjta për energjinë dhe për përballimin e kësaj situate, ata kërkojnë mbështetjen e qeverisë, për të cilën parashtruan 10 kërkesa.
Kompanitw presin që deri në datën 10 mars të jetë ngritur një grup pune i përbashkët për të marrë në konsideratë kërkesat.
NIKOLIN JAKA
DHOMA E TREGTISE DHE INDUSTRISE TIRANE
“Mbyllja e fabrikave, nxjerrja e punëtorëve për të protestuar apo grumbullime për të parë mundësitë reale për një lëvizje për të drejtat që sipërmarrjes i takon.”
Sipërmarrja shqiptare flet për një kolaps ekonomik e social, pasi bizneset po detyrohen të ulin qepenët.
ALBAN ZUSI
SHOQATA E EKSPORTUESVE
“E gjithë ekonomia do të futet në kolaps. Ju na thoni dilni në treg të lirë pa krijuar institucionet e tregut të lirë. Çmimi do të mbyllë dyert e fabrikave të mëdha. Disa janë mbyllur. Nëse kalon kohë, ky do të jetë proces i vërtetë.”
Nëse situata vijon e përshkallëzohet pa ndërhyrjen e qeverisë, bizneset paralajmërorjnë se konsumatori do të braktisë produktin vendas dhe do të hedhë sytë te mallrat e importit.