Sekretari i Përgjithshëm i LSI, Endrit Braimllari paralajmëroi se si Sandër Lleshaj do të largohen edhe ministra e drejtorë të tjerë të qeverisë. Me anë të një reagimi në “Facebook”, Braimllari tha se të gjithë do të marrin përgjigjen e merituar në zgjedhjet e 25 prillit.
“Sandër Lleshi, i përdoruri i radhës nga Edi Rama për pushtetin e tij personal. Sandri, nga një gjeneral me grada, përfundoi në pension të parakohshëm. Edi Rama e përdori në mënyrën më të keqe për pushtetin e tij personal. Edi Rama e përdori dhe e largoi nga çdo funksion partiak dhe shtetëror. Kjo tregon qartë që i gjithë shteti përdoret në funksion personal të Edi Ramës. Siç përfundoi Sandri do përfundojnë edhe ministra apo dhe drejtorë të tjerë të Edi Ramës të cilët me 25 Prill do marrin ndëshkimin e merituar popullor por dhe atë të drejtësisë. Ndëshkim deri në fund për këto monstra të pamëshirshme që përdorin çdo aset shtetëror në funksion personal të një banditi kryeministër.”
Sandër Lleshaj dha dorëheqjen nga posti i ministrit të Brendshëm mbrëmjen e të enjtes pas vrasjes së Klodian Rashës nga një efektiv policie.
