Një 32-vjeçar nga qyteti i Durrësit rezulton i zhdukur që nga dita e djeshme, pasi dyshohet se ka hyrë në det për peshkim.
Silvi Prifti ka hyrë për të gjuajtur me pushkë deti në zonën midis Currilave dhe Kallmit, por nuk është kthyer më.
Kanë qenë familjarët e tij që kanë njoftuar policinë pasi me kalimin e orëve 32-vjeçari nuk po kontaktonte më me familjen.
Pas njoftimit të familjarëve, nisën kërkimet nga forcat e policisë, polumbarët dhe Forcat Detare.
Që nga mëngjesi i ditës së sotme po vazhdojnë kërkimet, por akoma nuk kanë konstatuar asnjë shenjë nga 32-vjeçari.
