Në zgjedhjet për bashkinë e Himarës që do të zhvillohen në 4 gusht, opozita do të garojë me kandidaturën e shqiptaro-amerikanit Peter Gjikuria.
Peter Gjikuria jeton në Shtetet e Bashkuara të Amerikës, por ka mbërritur në Shqipëri prej disa ditësh e po përgatitet për betejën elektorale të 4 gushtit.
Kandidatura e tij është propozuar nga kreu i PBDNJ Vangjel Dule, i cili ka takuar dje edhe Sekretarin e Përgjithshëm të PD, Flamur Noka.
Nesër Dule do te dalë para mediave për të dhënë më shumë detaje për kandidatin e opozitës në Himarë. Peter Gjikuria do të përballet me kandidatin e partisë socialiste, Vangjel Tavo.
Zgjedhjet në Himarë zhvillohen pas vendimit të KQZ për të shkarkuar Alfred Belerin, i cili u dënua nga gjykata për blerje votash.
Himara ishte një prej 7 bashkive që opozita fitoi në zgjedhjet lokale të vitit të kaluar./vizionplus.tv
