EMRI/ Qëlloi me armë ndaj një biznesi dhe u fsheh në arën me misër, RENEA dhe policia në ndjekje të 33-vjeçarit
RENEA dhe forcat e policisë së Kurbinit janë vënë në ndjekje të 33-vjeçarit Gentjan Marku, i cili ka qëlluar me armë në drejtim të lokalit në pronësi të Fatjon Stakajt.
Fatmirësisht nuk ka patur të lënduar nga të shtënat.
Pasi ka qëlluar me armë Markaj sapo ka parë shërbimet e Policisë, është larguar mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.
Njoftimi:
Rreth orës 11:00, shtetasi G. M., 33 vjeç, dyshohet se për motive të dobëta, ka qëlluar me armë zjarri në drejtim të lokalit në pronësi të shtetasit F. S.
Nuk ka asnjë shtetas të dëmtuar, vetëm dëme materiale.
Shërbimet e Policisë kanë shkuar menjëherë në vendngjarje, bashkë me grupin hetimor.
Autori i dyshuar, shtetasi G. M., sapo ka parë shërbimet e Policisë, është larguar mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.
Shërbimet e Policisë janë vënë në ndjekje të tij dhe në ndihmë janë nisur menjëherë Forcat Speciale Renea dhe Njësia Kombëtare e Sigurisë.
Grupi hetimor, në drejtimin e Prokurorisë, vijon hetimet për sqarimin e rrethanave dhe sekuestrimin e provave, me qëllim dokumentimin e plotë ligjor të këtij rasti.
